ليلة صوفية ١

يا شباك الغيم للروح
يا مصلاية الروح للتيه
نبضك وين يزيدك سوح
طرب صوفية نوبه مديح
قلب مشغول بحي الله
ووتر مهزوز تقول مجروح
نازف غنوة لالوبة
ونابض ليك كانو ببوح
الله حي الله هو
حبيبك صل ... بنطراهو
حي يا حي حي يا هو
دينا الضاع بنلقاهو
كيفك كيف يا راعي الضي
مراعاك وين حصدناهو
عشر الخير ورحمة تسر
بسرعة شديد سرقناهو
و عشرة غفر... الله حي
يغفر للعرفناهو
و عشرة عتق وتق للحر
ليلة قدر قدرناهو
الله حي يا الله حي
شهرك خير طريناهو
وسرعة شديد بتضوي الضي
بسرعة شديد فقدناهو
لالوبتك ساقية ترمي حدي
حسناتو كتير حسن تاهو
وواصلك جوف غريق وجدي
وطريدك واصلو حداهو
ماشي بعيد مسافر في
ماشي قريب قرب جاهو
يا الله حي يا الله حي
محبوبك ساب حبيب باهو
وماشي بعيد يا شهرك ضي
شهرك شاب شباب شابو
و خليت في سعادتم كي
و سعادتي معاك سعد ياهو
يا الله حي يا الله حي
يا الله حي يا حي يا هو